काठमाडौं । भारतले आफ्नो देशको आर्थिक सुधारका रचियताको अवसानमा सात दिनसम्म राजकीय शोक मनाइरहेको छ । सन् १९९० को दशकको सुरुमा देशको आर्थिक उदारिकरण वास्तुकारमध्ये एक पूर्व प्रधानमन्त्री मनमोहन सिंहले सन् २००४ देखि २०१४ सम्म प्रधानमन्त्रीको कार्यभार सम्हाल्नु भएको थियो । विहिबार साँझ नयाँ दिल्लीको अस्पतालमा निधन हुनुभएका ९२ वर्षीय सिंहको राजकीय सम्मानका साथ अन्त्येष्टि गरिएको छ ।
दिवंगत महानुभाव प्रति सम्मान स्वरुप सम्पूर्ण भारतमा सात दिनको राजधीय शोक मनाउने निर्णय गरिएको भारत सरकारले एक विज्ञप्तीमा भनेको छ । सिंहले प्रधानमन्त्री भएको पहिलो कार्यकालमा एसियाको चोथो ठूलो अर्थतन्त्रको आर्थिक वृद्धिको नेतृत्व गरेकोमा प्रशंसा पाएका डा।मनमोहनले केम्ब्रिजबाट अर्थशास्त्रमा प्रथम श्रेणीमा र अक्फोर्डबाट विद्यावारीध हासिल गर्न छात्रवृत्ति पाउनु भएको थियो । त्यस्तै उहाँले निजामति सेवामा विभिन्न पदमा काम गर्नुका साथै वरिष्ठ निजामति सेवाका विभिन्न पदमा काम गर्ने क्रममा केन्द्रीय बैंकको गर्भनरको रुपमा समेत सेवा गर्न भ्याउनुभयो ।
