शुक्रबार, अशोज १२, २०८०
Friday, September 29, 2023

संसद् अवरोध सुरु गरेको एक सातामै नेकपा एमालेले संसद् खुलाएको छ

  • 98K
  •  
  •  
  •  
  •  
  •  
  •  
    98K
    Shares

काठमाडौँ।  संसद् अवरोध सुरु गरेको एक सातामै नेकपा एमालेले संसद् खुलाएको छ। प्रधानमन्त्री पुष्पकमल दाहाल प्रचण्डले विवादस्पद अभिव्यक्ति दिएपछि एमाले रुष्ट बनेको थियो।

एमालेले लगातार संसद् अवरोध गर्दै प्रधानमन्त्रीको राजीनामा मागेको थियो। पहिलो चरणमा प्रधानमन्त्रीको राजीनामा माग गरेको एमालेले दोस्रो चरणमा गृहमन्त्री र प्रधानमन्त्रीका प्रेस सल्लाकारको माग गर्यो।

यस सन्दर्भमा प्रधानमन्त्रीले पटकपटक संसद्मा उभिएर स्पष्टीकरण दिन पाउनुपर्ने माग राखे। तर एमाले पछि हटेन। पुुस्तक विमोचन समारोहमा प्रधानमन्त्रीले आफूलाई प्रधानमन्त्री बनाउन एक व्यक्तिले दिल्ली र नेपालका विभिन्न ठाउँमा कुरा पुर्याएको बताएका थिए। तर एमाले र अन्य प्रतिपक्षी दलले प्रधानमन्त्रीको अभिव्यक्तिप्रति असन्तुष्टि जनाइरहे।

‘हामीलाई प्रधानमन्त्रीको राजीनामा चाहिन्छ। अरु कुरा चाहिँदैन,’ एमाले सचेतक महेश बर्तौलाले भनेका थिए। एमालेलाई आश्वस्त पार्न सत्तारुढ दलहरु चरणबद्ध बैठक बसे।

आइतबार सिंहदरबारमा बसेको नेपाली कांग्रेसका सभापति शेरबहादुर देउवा, प्रधानमन्त्री प्रचण्ड र नेकपा एमालेका अध्यक्ष केपी शर्मा ओलीबीच छलफल चल्यो। संसद् अवरोध हटाउने सहमति पनि भयो। तर ओलीले पुन विवाद झिके।

प्रेस सल्लाहकारले लेखेको स्पष्टीकरणप्रति ओली रुष्ट बन्दा संसद् नचल्ने देखियो। तर सोमबार बसेको तीन दलका शीर्ष नेताको बैठकले भने सहमतिमा पुर्यायो। आजको संसद्मा पनि एमालेले प्रधानमन्त्रीको राजीनामा माग गर्यो।

एमाले सांसद गोकुल बास्कोटाले प्रधानमन्त्री कसले बनाएको भन्दै स्पष्टीकरण माग गरे। यसपछि बोलेका अन्य प्रतिपक्षी दलका नेताले समेत सोही कुरा दोहार्याए।

प्रधानमन्त्री प्रचण्डले रोस्टममा उभिएर आफूले प्रधानमन्त्रीका रुपमा नभई व्यक्तिगत सम्बन्धका आधारमा अभिव्यक्ति दिएको प्रस्ट्याए। ‘यहाँहरु सबैलाई थाहा छ, म सेन्टिमेन्टल छु । यति त प्रचण्ड भयो अब गर्नुहुन्छ के?’ प्रचण्डले अगाडि भने, ‘थोरै भावनामा आएँ । मैले त्यो नभनेको भए हुन्थ्यो, तर मनमा आयो, मैले भनेँ ।’

प्रधानमन्त्रीको हैसियतमा आफूले त्यस्तो नबोल्नुपर्ने स्वीकार गरेका उनले भने, ‘तर म त्यो दिन प्रधानमन्त्री भएर बोलिन। म ज्ञानुको बुबा भएर बोल्न पुगेँ । त्यो सेन्टिमेन्ट सम्झिन पुगेँ । प्रितम सिंहको सदासयताको निम्ति धन्यवाद दिन पुगे ।’

उनले स्वभावजन्य भावुकताका लागि आत्मसमीक्षा गरेको समते उनले बताएका छन् ।

WRITE COMMENTS FOR THIS ARTICLE

0 0 votes
Article Rating
Subscribe
Notify of
guest
0 Comments
Inline Feedbacks
View all comments

YOU MAY ALSO LIKE

0
Would love your thoughts, please comment.x
()
x