काठमाडौँ ।पूर्व राजा ज्ञानेन्द्र शाहलेराजसस्था फर्काउन भन्दै हिंसात्मक गतिविधि गरेपछि सरकारले पूर्वराजा ज्ञानेन्द्र शाहको १० जना सुरक्षाटोली घटाएको छ । पूर्वराजा ज्ञानेन्द्रको सुरक्षामा खटिएका १० जना सशस्त्र प्रहरीका सुरक्षाकर्मीलाई फिर्ता बोलाएको हो ।
पूर्वराजाको सुरक्षामा डिएसपीको कमाण्डमा रहेका ३५ जनाको सशस्त्र प्रहरीको टोलीबाट १० जनालाई फिर्ता बोलाएर२५ जनामा सिमित गरिएकोछ ।
नारायणहिटी राजदरबारबाट हटेपछि पूर्व राजपरिवारलाई नेपाल सरकारले आवाससहितको सुविधा दिइरहेको छ । पूर्व राजपरिवारले प्रयोग गर्दै आएको नागार्जुन दरबार नेपाल सरकारले आवास सुविधा अन्तर्गत उपलब्ध गराएको हो भने निर्मल निवास पूर्वराजा ज्ञानेन्द्रको निजी निवास हो ।
पूर्व राजपरिवारका सबै सदस्यहरूको सुरक्षाका लागि भन्दै सशस्त्र प्रहरीका १५५ सुरक्षाकर्मी तोकिएको छ । पुर्वराजाको परिवार सहितको सुरक्षा टोली १४५ जना रहेका छन् ।
