काठमाडौं । नेकपा एमालेका अध्यक्ष केपी शर्मा ओलीले देशमा पूर्वाधार विकासको क्षेत्रमा धेरै प्रगती भएकोबताउनु भृएको छ ।
ललितपुरमा आयोजित एक कार्यक्रममा उहाँले देशमा सडक,रेल स्वास्थ्य क्षेत्रमा पूर्वाधार विकासले गति लिएको बताउनुभएको हो। । तर उहाँले शिक्षा, स्वास्थ्य क्षेत्रको पूर्वाधार निर्माणमा अस्थिर राजनीतिका कारण बाधा पुगेको उल्लेख गर्नु भयो ।
‘हामीले खासगरी कनेक्टिभिटीका क्षेत्रमा रेलवे,हवाईजहाज, सडक र विद्युत विस्तार ,सञ्चार सुविधाको विस्तार जस्ता विकासका पूर्वाधारको क्षेत्रमा निकै ठूलो प्रगती हासिल गरेका छौं,’ ओलीले भन्नुभयो ।
उहाँले नेपाल पहिले जस्तो दुर्गम नभएको भन्दै केही ठाउँ बाहेक देशभर सडक सञ्जाल विस्तार गरिएको चर्चा गर्नुभयो।
उहाँले‘यर्थाथमा नेपाल पहिला जस्तो दुर्गम देश थियो, सडकका कारण उत्पादनले बजार पाउँदैन भन्ने ठूलो गुनासो थियो , सँगै कृषि उत्पानका सामग्रीले बजार पाएन भन्ने ठूलो गुनासो थियो अहिले केहीकेही ठाउँबाहेक अन्यन्त्र त्यस्तो गुनासो आउने स्थिति छैन । अहिले हुम्लाको सिमिकोटमा पक्की बाटो जोडिएको छैन नत्र अरु सबै जिल्लामा सदरमुकाम सम्म पक्की बाटोमा जोडिएका छन् ।’
देशभरका पालिकाको पक्की बाटो सदरमुकाम सम्म जोडन आफूहरुले अभियान चलाएको स्मरण गर्दै स्वास्थ्य सेवा सुविधा उपलब्ध गराउन सोही अनुसार डाक्टर,नर्स, औषधीउपचार सहितको प्रबन्ध गर्ने योजना सफल नहुनुमा अस्थिर राजनीति कारण भएको जिकिर गर्नु भयो ।
