काठमाडौं । सत्ताकेन्द्रित राजनीति गरेर सरकारबाट बाहिरिएपछि नेकपा माओवादी केन्द्रका अध्यक्ष पुष्पकमल दाहाल प्रचण्ड पछ्ुतोमा रेका छन् । कांग्रेस र एमालेलाई छक्याउँदा र झुक्याउने क्रममा थाकेर सरकारबाहिर आएका प्रचण्ड अहिले विगतमा गरेका गल्तिहरुको आत्माआलोचना गर्दै पछुतोमा परेका हुन् । माऔवादीले आगामी निर्वाचन २०८४ मा एक्लै निर्वाचनमा लडेर विजय गर्ने खोक्रो अभिव्यक्ती दिएपनि त्यो संभावना नरहेको तितो महशुस गर्दै प्रचण्ड अहिले नेता तथा कार्यकर्ताहरुसँग बिलौना गाइरहेका छन् । सत्ताको राजनीतिक वृतलाई षड्यन्त्रकारी ढङ्गबाट घुमाइरहेका प्रचण्डको प्रधानमन्त्री पद खुस्किएपछि पार्टी निर्माणका क्रममा जनतासमक्ष पुगेपछि आफुले सत्तामा हुँदा ठूलो गल्ति गरेको महशुस उनले गरेका छन् ।
बिराटनगरमा चलेको पार्टी पदाधिकारी बैठकमा मंगलबार प्रचण्डले पार्टी निर्माणको अभियानमा जनताको कुरा सुन्न आफू देशव्यापी रुपमा हिँड्ने बताए । उनले यसअघि पनि सोही कुरा बताउँदै आएका थिए । पार्टी पदाधिकारी बैठकमा बोल्दै प्रचण्डले माओवादीसँग जनतासँगको विश्वास गिरेकाले जनताको मनको भावना बुझ्न देशभरी अभियान लिएर डुल्ने उनको भनाइ छ ।
मंगलबार कोशी प्रदेश कमिटीको सातौँ पूर्ण बैठकलाई सम्बोधन गर्दै अध्यक्ष दाहालले आफू प्रदूषित भएको आत्मालोचना गरे । उनले आफुमात्र प्रदुषणमा नफसेको बताउँदै नेता कार्यकर्ताहरु समेत प्रदुषणमा फसेको उल्लेख गरे । सत्तामा हुँदा प्रचण्डले कहिल्यै आफुले गरेको गल्तिको पर्दाफास गरेका थिएनन् , उनले आफुले गरेका गल्तिहरुलाई लुकाउने प्रयासमा लामो समय बिताए। प्रचण्डलाई नेता तथा कार्यकतासहित जनताका माझमा पुग्दा जनताले माओवादीको कार्यशैली र नैतिकताका बारेमा आन्तरिक टिप्पणी उठाएपछि प्रचण्ड पछुतोमा परेका हुन् ।
।
