काठमाडौँ। ‘मिस ग्रण्ड नेपाल, २०२४’ सौन्दर्य प्रतियोगिताका लागि आवेदन खुला गरिएको छ।होटल सोल्टीको एक मिनीहलमाआयोजित पत्रकार सम्मेलनमा आयोजक उमङ्ग क्रिएशन प्रालिका प्रबन्ध निर्देशक उद्धव अधिकारीले सौन्दर्य प्रतियोगिताका लागि आवेदन खुला गरिएको र इच्छुकले यही असार ३१ गतेसम्म आवेदन दिनसक्ने जानकारी दिए।
उनका अनुसार प्रतियोगितामा १८ देखि २९ वर्ष उमेर समूहका अविवाहित महिलाले आवेदन दिनसक्ने छन् भने आवेदकहरुको उचाइ कम्तीमा ५ फिट ३ इञ्च हुनुपर्नेछ।
कम्पनीका अनुसार प्रतियोगिताको विजेताले नेपालको प्रतिनिधित्व गर्दै ‘मिस ग्राण्ड इन्टरनेशनल(२०२४’मा सहभागी हुन पाउनेछन्।
“यो वर्ष ‘ब्रेभ, बोल्ड, ब्युटिफुल’ को नारासहित मिस ग्राण्ड नेपाल(२०२४ घोषणा गरिएको छ”, उनले भने, “प्रतियोगिताको ग्राण्ड फिनाले आगामी भदौ ११ गते गरिनेछ।”
त्यसअघि आगामी साउन २३ गते मिस ग्राण्ड नेपाल(२०२४ को क्राउन सार्वजनिक गरिने उनको भनाइ छ। कम्पनीले सन् २०२० देखि प्रत्येक वर्ष सौन्दर्य प्रतियोगिता आयोजना गर्दै आएको छ।
