काठमाडौँ । यसवर्षको माध्यमिक शिक्षा परिक्षाएसईई यही चैत्र ७ गते बिहिबारबाट सुरु भएको छ । परिक्षा यही चैत्र १९ गतेसम्म सञ्चालन हुनेछ । यस परिक्षामा ११ हजार २ सय ९६ विद्यालयबाट ५ लाख १४ हजार ७१ जनाले परिक्षा दिँदैछन् । गत वर्ष ४ लाख ६४ हजार ७ सय ८५ परिक्षार्थीको संख्यामा ४९ हजार २ सय ८६ ले वृद्धि भएको हो । त्यसमा प्राविधिक धारतर्फका १६ हजार ९ सय ४७ विद्यार्थी छन् ।
एसईईको नतिजा भने ९० दिनभित्र प्रकाशन गरिने भएको छ । राष्ट्रिय परिक्षाको नतिजा आगामी असार ७ गतेभित्र निकाल्ने जनाएको छ । बोर्डले यसवर्ष एसईई सुरु नहुँदै नतिजा कहिले आउँछ भनेर विद्यार्थीलाई अन्यौल नहोस् भनेर यस वर्ष नतिजा निकाल्ने मिति तोकिएको कक्षा १० का परिक्षा नियन्त्रक नन्दलाल पौडेलले जानकारी दिए ।
यस वर्षको एसईई परिक्षामा सबैभन्दा बढी काठमाडौंबाट सहभागी छन् । काठमाडौंबाट ३९ हजार ६०० विद्यार्थीले एसईई परिक्षा दिदैछन् भने सबैभन्दा कम परिक्षार्थी मनाङमा ४३ जना छन् । सरकारले एसईईका लागि प्रत्येक वर्ष २७ करोड ७० लाख रकम छुट्याउने गरेको छ । त्यसमध्ये १७ करोड उत्तरपुस्तिका र प्रश्नपत्र छपाइमा खर्च हुने र अन्य रकम व्यवस्थापन, कपी, परिक्षण, जनशक्ति तयारी लगायतमा खर्च हुने राष्ट्रिय परिक्षा बोर्डले जनाएको छ ।
