काठमाडौं । नेपाल उद्योग वाणिज्य महासंघका अध्यक्ष तथा आईएमई ग्रुपका समेत अध्यक्ष रहनु भएका व्यक्तित्व चन्द्रप्रसाद ढकालले देशमा भएका राम्रा कानून र मौद्रिक नीतिलाई कार्यान्वयन गर्न आग्रह गर्नु भएको छ ।
मंगलबार काठमाडौंमा नेपाल डेरी एसोसियसनले आयोजना गरेको खीर प्रवद्र्धन कार्यक्रममा बोल्दै उहाँले राम्रा कानूनहरु भएर पनि कार्यान्वयन नहुँदा त्यसको असर निजी क्षेत्रले भोगिरहेको भन्दै कार्यान्वयन गर्न सरकार समक्ष आग्रह गर्नु भएको हो ।
उहाँले भन्नु भयो ‘सरकारले बनाएका बजेट, कानून, मौद्रिक नीतिले बोलेका कुराहरु पनि सरकारको गति अनुसार कार्यान्वयन हुन सकेको छैन्,’ ‘वास्तवमा कतिपय राम्रा कानूनहरु भएर पनि कार्यान्वयन नभए त्यसको असर निजी क्षेत्रले भोगिरहेको हुनाले जतिपनि कानूनहरु परिवर्तन भए वा बजेटमा उल्लेख भएका कुराहरु छन् अर्थात मौद्रिक नीतिमा उल्लेख भएका विषयहरु गति अनुसार कार्यान्वयन गर्नका लागि आग्रह गरेका छौ ।’
उहाँलेनेपाल डेरी एसोसियसनले कृषि उत्पादनको प्रवद्र्र्धनमा गरेको कामप्रति सकरात्मक रहेको भन्दै डेरीजन्य उत्पादनलाई ब्रान्डिङ गर्नुपर्ने समेत बताउनु भयो ।
त्यस्तै सोही कार्यक्रममा बोल्दै एसोसियसनका अध्यक्ष प्रल्हाद दाहालले देशको विकास कृषि क्षेत्रबाट मात्र सम्भव रहेको भन्दै देशलाई कृषिमा आत्मनिर्भर बनाउनुपर्ने बताउनु भयो ।
उहाँलभन्नुभयोे ‘म उद्योग वाणिज्य महासंघलाई अनुरोध गर्न चाहन्छु यदी देशमा कृषि क्षेत्रको हुँदैन भने यो देशको विकास हुन सक्दैन । अरु क्षेत्रमा जतिसुकै विकास गरे पनि कृषि अपरिहार्य हो । कृषि क्षेत्रमा आत्मनिर्भर भयौ भने स्वदेशी मुद्रा बाहिर पठाउन पर्दैन ।’
उहाँले अदालतबाट मुद्दा जित्दा समेत बिजुलीमा पाउने छुट नपाएको भन्दै यसमा सम्बन्धित निकायले ध्यान दिनुपर्ने बताउनु भयो।
कार्यक्रममा कार्यक्रमको प्रमुख अतिथिको आसन ग्रहण पछि ढकालले कक्षा १ मा पढ्ने वालिकाहरुलाइ खीर ख्वाएर कार्यक्रको उद्भाटन पनि गर्नु भएको थियो ।
