काठमाडौं, नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले सरकारले कानुनी प्रकृया पुरा गरी शान्तिपूर्ण बातावरणमा चुनाव गराए एमाले त्यस्तो चुनावबाट नभाग्ने बताउनु भएको छ ।् उहाँले मुलुकमा सकारात्मक परिवर्तन हुनु अनिवार्य रहे पनि भत्काउने र विध्वंस गर्ने परिवर्तन देशलाई नचाहिएको बताउनुभयो ।
पार्टी मुख्यालय च्यासल ललितपुरमा आयोजित कार्यक्रममा उहाँले त्यस्तो बताउनु भएको हो । भौतिक संरचना, तोडफोड गरेर देशको विकास कहिल्यै सम्भव नहुने
उहाँको भनाइ छ । । नेपाली जनताले ठुलो संघर्ष र बलिदान दिएर देशमा लोकतन्त्र ल्याएको चर्चा गर्नुहुँदै अध्यक्ष ओलीले भन्नुभयो, “अर्काको घरमा आगो लगाउने, सरकारी भौतिक संरचना ध्वस्त गर्ने, सामाजिक सञ्जालमा अस्वस्थता र गलत भास्य सिर्जना गर्नुले मुलुकमा शान्ति र विकास हुँदैन ।”
अहिलेको सरकारले मुलुकमा चुनाव गराउनेगरी अन्तरिम सरकार गठन भए पनि निर्वाचनमा ध्यान दिन नसकेको भन्दै उहाँले देशको विकासमा यो सरकारले काम गर्न नसक्ने बताउनुभयो । ।
लोकतान्त्रिक प्रणाली सबैले मान्न अनिवार्य रहेको भन्दै उहाँले संविधानले त्यही व्यवस्थाको अङ्गिकार गरेको बताउनुभयो । कानुनी प्रक्रिया पूरा गरी शान्तिपूर्ण रुपमा आयोजना हुने निर्वाचनबाट एमाले नभाग्ने तर अस्वस्थ र गैरकानुनी रुपमा आयोजना हुने निर्वाचन सफल नहुने उहाँको भनाइ छ । मुलुकमा कानुनी राज र प्रणालीको विकास गर्न अपरिहार्य रहेको भन्दै उहाँले मुलुकलाई अस्थिर राख्ने छुट कसैलाई नभएको बताउनुभयो ।
कानुनी र राजनीतिक रिक्तताले मुलुक चल्न नसक्ने भन्दै अध्यक्ष ओलीले भन्नुभयो, “व्यक्तिगत रिसइबी गरेर मुलुकमा शान्ति आउँदैन, मसहित नेताहरुलाई पक्राउ गर्ने भनिएको छ, के कारण देखाएर पक्राउ गर्ने रु आधार त चाहिएला नि पक्राउ गर्ने रु सम्पत्ति छानविन गर्ने भनिएको छ, गर्नुस् छानविन । निश्पक्ष छानविन गर्नुस् ।”
जेनजी युवाको टाउकोमा आरोप थुपारेर परिवर्तन तुहाउने प्रयास भइरहेको बताउँदै अध्यक्ष ओलीले भन्नुभयो, “व्यक्तिको घर जलाउन जेनजी गएका होइनन्, सार्वजनिक भौतिक संरचना जलाउन र तोडफोड गर्न जेनजी गएको होइन । जेनजीको आवरणमा आपराधिक गिरोहले सबै गलत काम गरेको हो । त्यसको उचित छानविन हुनुपर्छ ।”
जेनजी आन्दोलनपछि पहिलो पटक पार्टी मुख्यालय च्यासलमा पुगेर धारणा राख्दै अध्यक्ष ओलीले सरकारको तर्फबाट जेनजीमाथि गोली चलाउने निर्देशन नदिइएको पुनः दोहोर्याउनुभयो । घटनाको निश्पक्ष छानविन गर्न उहाँले माग गर्नुभयो । अध्यक्ष अोलीले पार्टी मुख्यालयको क्षति भएको संरचनाको अवलोकन गर्नुभएको छ ।
