काठमाडौं । प्रतिनिधिसभा चुनाव नजिकिंदै जाँदा कांग्रेसभित्र टिकट सिफारिसको दौड तीव्र बनेको छ। यसै मेसोमा सभापति देउवा पेवा जस्तै मानिएको र एउटा मात्र क्षेत्र भएको
डढेलदुराबाट चुनाव लड्ने संकेत मिलेको छ । यस सँगै उहाँलाई भट्नेको भीड समेत लाग्नथालेको बताईन्छ । सभापति देउवाले यस अघि डढेलधुराबाट सात पटक चुनाव जिति सकेको हुँदा यो पटक पनि जितेर आठौं पटक पुर्याउने संभावना रहेको देउवा भेट्न आउनेको भीडले संकेत गरेको छ ।
त्यसै गरी सुदूरपश्चिम प्रदेशका १६ क्षेत्रमध्ये केही स्थानमा नाम टुंगिएकाले सूची जिल्लातर्फ पुगिसकेको छ भने कतिपय ठाउँमा अझै बैठक बस्न बाँकी छ।
सबैभन्दा धेरै क्षेत्र भएको कैलालीका पाँचै क्षेत्रबाट आकांक्षीहरूको नाम सिफारिस भइसकेको छ। कैलाली–५ मा पूर्वपरराष्ट्रमन्त्री आरजु राणा देउवासहित चारजनाको नाम अघि बढाइएको छ। प्रदेश महामन्त्री नरनारायण शाह मनु, अघिल्लो विजेता डिल्लीराज जोशी र पूर्वमेयर नृप वड पनि प्रतिस्पर्धामा छन्। यहाँ आरजुलाई सशक्त दाबेदारका रूपमा नेताहरूले चित्रित गरेका छन्।
कैलाली–४ बाट साविक विजेता वीरबहादुर बलायरदेखि टेकराज जोशी, लोकराज पाण्डे ‘आगो’, नैनसिंह महर, विजय कुँवर र भुवन महरासहित सातजनाको नाम सिफारिस भएको छ। ३ नम्बर क्षेत्रमा खेमराज डगौरा थारु, अविनाश चौधरी, भीमबहादुर बडूवाल र झंकरबहादुर शाह अगाडि सारिएका छन्। २ नम्बर क्षेत्रबाट सबैभन्दा धेरै आकांक्षीको नाम आएको छ, जहाँ कृष्णराज पाण्डेमात्र होइन, नवराज उपाध्यायदेखि मोहनसिंह राठौरसम्म सूचीमा परेका छन्। १ नम्बर क्षेत्रबाट पाँचजनाको नाम केन्द्रमा पठाउने तयारी गरिएको छ।
यता कञ्चनपुरका तीनै क्षेत्रमा भने उमेदवारको छनोट हुन सकेको छैन। क्षेत्रगत बैठक नबसेकाले नाम सिफारिस रोकिन पुगेको जिल्ला उपसभापति मीनबहादुर सिंहले बताए।
डडेल्धुरामा देउवा ‘एक्लो आकांक्षी’—भेट्न पुग्नेहरूको घुइँचो
एक मात्र निर्वाचन क्षेत्र भएको डडेल्धुरामा पूर्वप्रधानमन्त्री शेरबहादुर देउवा पुनः उम्मेदवार बन्ने संकेत स्पष्ट बनेपछि उनलाई भेट्न नेता–कार्यकर्ताको भीड बढेको छ। कांग्रेस डडेल्धुराका सभापति भीमबहादुर साउँद, गन्यापधुराका अध्यक्ष इन्द्रबहादुर कार्की, उपाध्यक्ष ज्ञानु सेठी देउवा, परशुरामका मेयर भरत बडायरलगायतका स्थानीय नेता देउवासँग भेटघाटमा पुगेका थिए। भेटका क्रममा देउवाले “जनताको इच्छा भए अन्तिमपटक चुनाव लड्छु” भन्ने संकेत गरेको सभापति साउँदले बताए।
“डडेल्धुराका जनताले उहाँको सम्मानजनक बिदाइ चाहेका छन्,” साउँदले भने, “त्यसैले हामीले उहाँलाई पुनः उम्मेदवार बन्न अनुरोध गर्यौं।” जिल्ला समितिले देउवाकै एकल नाम सिफारिस गर्ने तयारी गरिरहेको छ।
