काठमाडौं । कानूनी दायरामा आएर सर्वमान्य हुनेगरी सञ्चालन हुने सामाजिक सञ्जालप्रति सरकार सकारात्मक देखिने भएको छ । सामाजिक सद्भाव र वातावरणमा खलल पुर्याउन भूमिका खेलेको भन्दै टिकटक बन्द गरेको छ महिनापछि प्रतिबन्ध हटाउन सरकार सकारात्मक देखिएको छ । कानून अनुसार समाजलाई मान्य हुने गरी सञ्चालनमा आए त्यस्ता सामाजिक सञ्जाल नेपालमा चलाउँदा कुनै आपती नहुने सञ्चार तथा सूचना प्रविधि मन्त्री रेखा शर्माले बताउनुभएको छ ।
अमर्यादित गतिविधिलाई महत्व दिने गरी सामाग्री उत्पादन र प्रशारण भएका कारण सरकारले टिकटक बन् गर्न बाध्य हुनु परेको पनि मन्त्री शर्माले स्मरण गराउनुभयो । मन्त्री शर्माले विकास आर्थिक मामिला तथा सुशासन समितिको बैठकमा बोल्दै त्यस्तो स्मरण गराउनु भएको हो ।
सामाजिक सञ्जाल विधेयक ल्याउने सरकारको तयारी
सरकारले टिकटक खुल्न दिने निर्णण् गरेसँगै यसलाई नियमन गर्न सामाजिक सञ्जाल विधेयक ल्याउने तयारी पनि गरेको छ । सरकारका प्रवक्त रेखा शर्माले सामाजिक सञ्जाल सम्बन्धी विधेयक मन्त्रालयबाट मन्त्रिपरिषदमा पेस गरिएको जानकारी समेत गराउनु भएको छ । सो विधेयक मन्त्रिपरिषदमा छलफल पछि संसदीय समितिमा आईपुग्दा व्यापक छलफल हुने मन्त्री शर्माको भनाई छ । मन्त्री शर्माले भन्नुभयो– ‘हामीले सामाजिक सञ्जाल निर्देशिका २०८० जारी
गर्यौं । अहिले सामाजिक सञ्जाल विधेयक संसदमा दर्ता गर्ने प्रक्रियामा छौं ।’
