मानिसको लागि शिक्षा यति महत्वपूर्ण हुन आउछ कि ब्रह्माण्डको सन्तुलन, धर्तीको गुरुत्वाकर्षण, सूर्यको प्रकाश, मानिसको आँखा, तिर्खाउदा पानी, स्वासप्रश्वासको लागि अक्सिजन, प्राणीको लागि खाना, फूलको बासना, सुन्दरीको रुप जतिको हुन्छ त्यतिकै मानिसको जीवनसँग सम्बन्धित हुन्छ नै । प्रकृतिलाई जोगाइ राख्नमाथि प्रस्तुत उपमाहरु जतिको खाचो पर्दछ त्यतिकै खाँचो शिक्षाको सीपबाट उपार्जन र उत्पादन हुने उपलब्धीद्वारा देशको प्रगति र मानिसको उन्नतीको लागि पर्दछ । शैक्षिक गतिविधिद्वारा हुने उपार्जनशीलता र उत्पादनशीलता नभै देशको अर्थतन्त्र मजबुत हुँदैन, देशको अर्थतन्त्र मजबुत नभै देशको प्रगति हुन गाह्रो पर्दछ । अनि देशको प्रगति नभए मानिसको उन्नती पनि पछि पर्न सक्छ । यसर्थ मानिसको जीवनगाथा र देशको प्रगति परस्परमा नङ मासुको सम्बन्ध भए जस्तै शिक्षाको सीपमूलक व्यवसायीकरण अनि देशको प्रगति र मानिस याने कि जनताको उन्नती पनि उत्तिकै महत्वपूर्ण हुने भएकोले शिक्षालाई देशको प्रगति र जनताको उन्नतीसँग गाँस्दै अगाडी बढाउन आवश्यक भएको हो । यस्तो खालको शिक्षालाई हाम्रो मुलुक नेपालमा पनि अगाडी बढाउन सके जनमानसमा कस्तो प्रभाव पर्ला यानेकि शैक्षिक जगत कसरी परिचालन होला भन्ने कुरा तल प्रस्तुत बुँदाहरुले प्रष्ट्याउने छन् ।
— व्यवसायलाई आकर्षक बनाउने सीपमुलक पाठ्यसामाग्रीहरु तयार होलान् ।
— योगदानी भावना भएका कर्मठ र दक्ष शिक्षकहरु स्वतःस्फुर्त रुपमा इमान्दार भै सक्रिय रहनुहुनेछ ।
— मुलुकको भरपर्दो शिक्षाको लागि त्रुटिरहित व्यवस्थापन हुने
गर्ला ।
— अभिभावक महोदयहरुको सकारात्मक चासो बढ्दै
जाला ।
— उज्ज्वल भविष्यको सोच भएका विद्यार्थीहरु रमाउलान् ।
— मुलुकका जिम्मेवार व्यक्तित्व बुद्धिजीवि वर्ग पनि सक्रिय रहनु हुनेछ ।
— स्रोत र साधन सम्पन्न विद्यालयहरु व्यवस्थित होलान् ।
— देशभक्त राजनैतिक व्यक्तित्वहरुको भूमिका मजबुत होला ।
— चाँजोपाँचो मिलेको शैक्षिक नीति परिस्क्रित हुँदै जाला ।
— आआफ्नो ठाउँबाट सहयोग पु¥याउन तयार कर्मचारी वर्गले देश बनाउन सहयोग पुग्ने शैक्षिक प्रक्रियाको स्वागत गर्दै सहयोग गर्न पनि अग्रसरता देखानुहुनेछ ।
— आवश्यक सहयोग पुर्याउन पछि नपर्ने संघसंस्थाहरु वृद्धि हुँदै जालान् ।
— सिकारुले सिकेको सीपलाई व्यवहारमा उतारी उल्लेख्य उन्नती गर्न पाउने कर्मथलोहरुले देश रमाइलो होला ।
— क्षमता सम्पन्न सिपालु हातहरुलाई काम दिएर विकासको लहर फैलाउन सक्ने संघसंस्था, उद्योगपति र कर्मवीरहरु खुशी होलान् ।
— शिक्षाको लागि यथायोग्य सहयोग पुर्याउन चाहने मित्र राष्ट्रहरुको चासो बढ्दै जाला ।
— देश र जनता आत्मनिर्भर भै खुशीसाथ बाँचिएला ।
— देशको अर्थतन्त्र मजबुत हुने क्रम बढ्ला र देशलाई प्रगति तर्फ डोर्याउन सजिलो पर्ला ।
— आआफ्नो सीप जाँगर चलाएर अर्थोपार्जन गर्न अवसर मिल्ला ।
— शिक्षार्थीहरुले आफुले जानेको सीप प्रयोगमा ल्याउने क्रममा प्रविधिको विकास गर्ने मानवीय खाँचो पूरा हुँदै जाला ।
— शिक्षाको डिजाइन तयार गर्न सफल विद्वत वर्गले आत्मगौरवका साथ झन्झ्न मिहनत गर्दै देशलाई योगदान दिनुहुनेछ ।
— सीप र प्रविधिको विकास उल्ल्लेख्य रुपमा हुन सक्ने भएकोले जनताहरु बेरोजगार बस्न नपर्ने हुँदै जानेछ ।
— शिक्षालाई समय सापेक्षको आधुनिक बनाउदै लानेक्रम बढ्ला ।
— जति सिक्यो उति सिँकु सिँकु लाग्ने शिक्षा हुन सक्ने भएकोले मुलुकमा विद्वानको संख्या वृद्धि हुँदै जाला ।
— देशमा बुद्धिजीवि वर्ग, प्राविधिक हस्तिहरु अनि विद्वानहरुको संख्या बढी हुने भएको कारण मुलुकको शासन प्रणाली सहज होला ।
— शिक्षा जगतले सीप र प्रविधिको मात्र होइन पवित्र भावनाको समेत सृजना गराउँदै जाने भएकाले मुलुकमा खराब मानिसको संख्या घट्दै जाला ।
