काठमाडौँ । अभिनेत्री गौरी मल्लले कलाकारले ड्रेस सेन्स राख्नुपर्ने बताएकी छन् । कलाकारलाई अन्य मानिसले भन्दा धेरै ड्रेस फेर्नुपर्ने भएकोले बुटिकले सजिलो गर्दिएको उनको भनाई थियो ।
शुक्रबारहरिहरभवन स्थित ललितपुरको संचयकोषको भवन अगाडि रहेको रोक्का प्लाजामा ‘पनास रनवे’ उद्घाटन गर्दै अभिनेत्री गौरीले परिरहनमा आफ्नो पनि पहिले देखिनै सौख रहँदै आएको बताइन् । ‘पनास रनवे’को उद्घाटन नायिका गौरी मल्ल, पूजा शर्मा, गायिका देविका बन्दना, नायक पुष्प खड्का, कुन्साङ बोमजम, निर्मात्री पुनम गौतमले केक काटेर गरेका थिए ।
यसअघि दरबारमार्गमा सञ्चालनमा रहेको यो रन वे कोरोनाका कारण बन्द भएको थियो । अब, भने यो रन वेलाई ललितपुरमा सञ्चालनमा ल्याइएको हो । रन वेकी संचालिक स्वेता सिरोहियाले हरेक प्रकारका पहिरनहरु ‘पनास रन वे’मा उपलब्ध भएको बताइन् ।
उनले, आफूहरूले हरेक प्रकारका ग्राहकहरूको रोजाइलाई ध्यानमा राखेर ‘पनास रनवे’को शुभारम्भ गरेको बताइन् । उनले भनिन्,‘पहिले हाम्रो रन वेमा पहिरनहरु महंगो हुन्छ भन्ने मानिसहरुमा सोच थियो । तर, यसपटक हामीले भारतको महारानी कलेक्शनसँग सहकार्य गरेका छौँ । यसैले, भारतमा जुन दरमा पहिरन पाइन्छ, यहाँ पनि सोही दरमा उपलब्ध गराएका छौँ ।’
निर्मात्री पुनम गौतमका अनुसार यी सबै पहिरनहरु भारतको मुम्बई, पुणे, दिल्लीबाट ल्याइएको बताइन् । उनका अनुसार थुप्रै डिजाइनहरुसँग सहकार्य गर्दै ‘पनास रन वे’ सञ्चालनमा आएको बताइन् ।
