काठमाडौं ,सभापति रवि लामिछाने पक्राउको विरोधमा पोखरामा राष्ट्रिय स्वतन्त्र पार्टीका कार्यकर्ताले प्रदर्शन थालेका छन्।शुक्रबार साँझ रास्वपा कार्र्यलयबाट पक्राउ गरी विहान सवेरै पोखरा पुर्याए पछि कार्यकर्ताहरुलेबिहानैदेखि मानव अधिकार चोकमा रास्वपा कार्यकर्ताको सहभागिता बाक्लिन थालेको हो । पोखरामा उपलब्ध केन्द्रीय पदाधिकारी र नेताहरु छलफलमा जुटेका छन्।
छलफल सकिनासाथ पूर्ण प्रदर्शन सुरु हुने बताइएको छ। छन्।
पोखरामै आज सहकारी पीडितले पनि प्रदर्शन गर्दै छन्। पोखराको गैह्रापाटनमा शान्तिपूर्ण प्रदर्शनको तायारी छ। दुवै पक्षले प्रदर्शनको तयारी थालेपछि रास्वपा कार्यकर्ता र सहकारीपीडित आमनेसामने हुने देखिएको छ।
सम्भावित जोखिमलाई मध्यनजर गर्दै पोखराको सुरक्षा व्यवस्था कडा पारिएको छ। काठमाडौंको माइतीघर मण्डलामा पनि आजै लामिछानेको पक्राउविरुद्ध प्रदर्शन हुँदै छ। त्यसका लागि दिउँसो १ बजे कार्यकर्ता र समर्र्थकहरुलाई उपस्थित हुन भनिएको छ। सुरक्षा तैनाथि बिहानैदेखि बाक्लो पारिएको छ।
लामिछानेविरुद्ध हिजो पक्राउ पूर्जी जारी भएसँगै सीआईबीको टोलीलै केन्द्रीय कार्यालय घण्टीघरबाटै पक्राउ गरेर आज बिहान पोखरा पुर्याई प्रहरीको जिम्मा लगाएको हो।
प्रहरीका अनुसार आज शनिबार परेकाले लामिछानेलाई भोलि कार्यालय खुलेपछि मात्रै म्याद थपका लागि अदालतमा लगिनेछ। उनीमाथि सहकारी ठगी र संगठित अपराधमा अनुसन्धान चल्ने प्रहरीले जनाएको छ।
