काठमाडौं ।नेपाल सरकारले सय रुपैयाँको नोटमा नेपालको नक्साको तस्बिर परिवर्तन गरेर चुच्चे नक्सा राख्ने निर्णय गरेको छ । हालै मन्त्रालयमा बसेको मन्त्रिपरिषद बैठकले सयको नोटमा रहेको पुरानो नक्सा परिवर्तन गरेर चुच्चे नक्सा राख्न राष्ट्र बैंकलाई अनुमति दिने निर्णय गरेको हो । हाल कारोबारीमा रहेको सयको नोटमा नेपालको नक्सा पुरानै छ ।
अर्थ मन्त्रालयले बैंक नोटमा रहेको तस्बिर परिवर्तन गर्ने प्रस्ताव मन्त्रिपरिषदमा लगेको थियो । भारतको अधीनमा रहेको कालापानी–लिपुलेक क्षेत्र समेटेर बनाइएको चुच्चे नक्सालाई २०७७ सालमा संसदले अनुमोदन गरेको थियो ।
