काठमाडौं । गाजामा १५ महिना लामो युद्ध अन्त्य गर्न र इजरायली बन्धकहरूलाई रिहा गर्न इजरायल र हमासबीच युद्धविराम सम्झौता भएको छ ।
कतारका प्रधानमन्त्री शेख मोहम्मद बिन अब्दुल रहमान अल सानीले बुधबार युद्धविराम सम्झौताको घोषणा गरेका छन् । कतारको राजधानी दोहामा सम्झौताको घोषणा गर्दै प्रधानमन्त्री शेख मोहम्मदले युद्धविराम सम्झौता आइतबारदेखि लागू हुने जनाए । उनले यस सफलता इजरायल र हमासले सम्झौता तोड्न नदिने कुरामा आफू विश्वस्त रहेको जानकारी दिए ।
यसैबीच, अमेरिकी राष्ट्रपति जो बाइडेनले सम्झौताको प्रशंसा गर्दै इजरायल र हमास दीर्घकालीन युद्धविरामका लागि वार्ताको टेबलमा रहेसम्म युद्धविराम कायम रहने जनाएका छन् ।
यता, इजरायली प्रधानमन्त्री बेन्जामिन नेतान्याहुको कार्यालयले युद्धविराम सम्झौता अझै पूरा नभएको र अन्तिम विवरणमा काम भइरहेको जनाएको छ ।
नेतान्याहुको कार्यालयले एक विज्ञप्तिमा भन्यो कि ‘सम्झौताको विवरण आज राति अन्तिम हुने अपेक्षा गरिएको छ ।’ यद्यपि, नेतान्याहुले अमेरिकी राष्ट्रपति जो बाइडेन र राष्ट्रपति निर्वाचित डोनाल्ड ट्रम्पसँग कुरा गरे र गाजामा बन्धकहरूको रिहाइको लागि सम्झौता सुरक्षित गर्न मद्दत गरेकोमा धन्यवाद दिएको अन्तर्राष्ट्रिय सञ्चार माध्यमहरुले जनाएका छन् ।
