नेकपा एमालेको भ्रातृ संगठन राष्ट्रिय युवा संघ नेपालको आयोजनामा केपी ओली कप फुटबल प्रतियोगिताको दोस्रो संस्करण फागुन ११ गतेदेखि १९ गतेसम्म हुने भएको छ । पत्रकार सम्मेलन गर्दै आयोजकले केपी ओली कपबारे जानकारी दिये।
प्रतियोगिताको क्वार्टरफाइनलसम्मका खेलहरू सातदोबाटोस्थित अखिल नेपाल फुटबल संघ एन्फा मुख्यालय मैदान तथा सेमिफाइनल र फाइनल त्रिपुरेश्वरस्थित दशरथ रंगशालामा हुनेछन् ।
प्रतियोगितामा सहभागिताका लागि खुला आह्वान गरिनेछ । सोहीअनुसार सहभागी हुने टोली छनोट गरिनेछ । जसमा नेपालका ‘ए’ डिभिजन लिग तथा विदेशी क्लबहरू सहभागी हुने आयोजक संघका अध्यक्ष क्षितिज थेबेले जानकारी दिए ।
यसैगरी, अध्यक्ष थेबेले यो प्रतियोगितालाई राजनीतिको दृष्टिकोणले हेर्नु नहुने धारणा राखेका छन् । उनले भने, ‘केपी ओली कपले कुनै पनि पार्टीको प्रचार–प्रसारका लागि झन्डा राखेको छैन । पार्टीको भ्रातृ संगठन भए पनि हामी त्यहाँ राजनीति गर्दैनौँ । हाम्रो मुख्य उद्देश्य फुटबलको विकास गर्नु हो ।ु
तेस्रो संस्करणमा पुरस्कार रकम वृद्धि भएको छ । यसपटक विजेताले १५ लाख ११ हजार १११ र उपविजेताले पाँच लाख रुपैयाँसहित ट्रफी, प्रमाणपत्र र मेडल प्राप्त गर्नेछन् ।
गत संस्करणको विजेताले ११ लाख रुपैयाँ प्राप्त गरेको थियो । यसैगरी, सर्वोत्कृष्ट खेलाडीलाई एक लाख तथा सर्वाधिक गोलकर्ता, उत्कृष्ट गोलकिपर, उदीयमान खेलाडीलाई समान ५० हजार र ‘प्लेयर अफ दी म्याच’लाई १५ हजार रुपैयाँसहित ट्रफी, प्रमाणपत्र, मेडल प्रदान गरिनेछ ।
त्यस्तै, हरेक खेल जित्ने टोलीले २५ हजार रुपैयाँ पाउनेछ । यसअघि दुवै संस्करण मछिन्द्रले जितेको थियो
