सुदामा समाचारदाता,
काठमाण्डौ, एक सफल व्यापारी गंगा शाक्यको कृति “ अनुभवका पाईलाहरु ” को लोकार्पण यही असोज १९ गते काठमाण्डौको नयाँबानेशवर स्थित प्रज्ञाकुञ्ज स्कूलमा भव्य तथा सभ्यरुपमा सम्पन्न भएको छ । उर्जा तथा जलस्रोत मन्त्री दीपक खड्काको प्रमुखआतित्थ्यमा सम्पन्नभएको उक्त र्कायक्रममा व्यापारी, बुद्धिजीवि, साहित्यकार , प्राध्यपक ,पत्राकार सलगायत सर्वसाधारणको बाक्लो उपस्थितिरहेको थियो ।
२००९ सालमा चैनपुर नगरपालिका वडा न.ं ६ खाँदवारीमा जन्मीएर र्पुख्यौली पेशा व्यापारलाइ मुख्य पेशाका रुपमा लिएर अगाडी बढ्नु भएका शाकयले समाजमा पछि परेका वक्तिलाई आर्थिक, सामाजिक, बौद्धिक,रुपमा सहयोग गर्दै कहिले चैनपुर , कहिले भोजपुर, कहिले खाँदवारी गर्दै समाजसेवामा लिप्त हुनुभइ थुप्रै संघ सस्थाहरुमा आवद्ध भई तिनीहरुको उत्थानका निम्ती सहयोग गर्दै आउनुभएका उहाँलाई माओवादी द्वन्दकालमा प्रशासनले समेत माओवादीको बास्केटमा राखेर कारवाही गर्ने भए पछि शाक्य आफ्नो पुख्र्याैली थलो चैनपुर छोडेर काठमाण्डौ आउन बाध्य हुनुभएको थियो । काठमाण्डौमै बसेर व्यापार र समाजसेवा गर्दै उहाँले आफ्नो जीवनमा भोगे देखेका कुराहरुको संगालो अनुभवका पाइलाहरु कृति सृजना गरी आपाफ्नो ७३ औं जन्मोतसवको अवसर पारेर लोकार्पण गर्नुभएको हो । आइए सम्मको औपचारीक शिक्षा हासिल गर्नुभएका शाक्यले जानी नजानी सोझो ढंगमा आफ्नो जीवनकथा लेख्नु भएको छ । कभर सहित १६४ पृष्ठको उक्त कृतिमा २१ वटा विषयलाई समावेश गर्नुभएको छ । जसमा गोरवपूर्ण पूर्खा परिवार र रमाइलो सन्दर्भ ,शिक्षा र उद्योग वाणिज्य व्यवसाय , पारिवारिक दायित्व र आफन्तका गुण स्मरण , उद्योग व्यापारको बृद्धि र विस्तार ,परम्परागत मुल्यमानयता र संस्कृति प्रति सद्भाव , छोरा छोरीको दीक्षा र विहेबारी, भोेजपुर टक्सारको सम्झना र सम्बनध, स्मृतिका तस्विरहरु लगायतका विषयहरु छन् ।उहाँले यस कृतिबाट नयाँ पुस्ताले पाठ सिकुन् र पीता पुर्खाले हाँमीलाइ यहाँसम्म कसरी ल्याएका छन् भन्ने जानकारी लिउन भन्ने चाहना राख्नु भएको छ ।
