विराटनगर , नेपाली काँग्रेसका अध्यक्ष एवं पूर्व प्रधानमन्त्री शेरबहादुर देउवाले ‘ग्रास रुट’मा पार्टी बलियो भए पार्टी कहिल्यै नहार्ने दाबी गरेका छन्।
शनिवार विराटनगरमा कोशी प्रदेश सम्मेलनलाई सम्बोधन गर्दै उनले यस्तो दावी गरेका हुन्।
‘स्थानीय तहमा ग्रास रुटमा पार्टी बलियो छ भने पार्टी कहिल्यै हार्दैन , उनले भने, ‘हाम्रो पार्टीको विजय हुन आवश्यक छ।’
अध्यक्ष देउवाले कोशी प्रदेशमा आयोजित पार्टी सम्मेलनलाई अत्यन्तै महत्त्वपूर्ण रूपमा लिएको बताए।
देउवाले पार्टीका महामन्त्री गगन थापालाई लक्षित गर्दै भने, ‘सभापति कम बोल्नुहुन्छ अनि मैले धेरै बोलेको भन्नुभयो। धेरै बढी बोल्नेले आफूलाई सिध्याउँछ। त्यसैले कम बोल्नुपर्छ।’
स्थायित्वका लागि दुई पार्टी मिलेर सरकार बनेको समेत उनले बताए। ऋणको भार राष्ट्रका लागि ठूलो भार पर्ने भएकाले यो बिआरआई सहयोगको सम्झौता गरेर आएकोमा उनले प्रधानमन्त्री केपी शर्मा ओलीलाई धन्यवाद दिए।
