काठमाडौं । सरकारले दल विभाजन सम्बन्धी विधेयक ल्याउने तयारी गरेपछि नेकपाएकीकृत समाजवादीमा सन्त्रास उत्पन्न भएको छ । किनकी यो पार्टीमा असन्तुष्ट धेरै रहेकाले विधेयकमा दल त्याग सम्बन्धी व्यवस्था खुकुलो पार्ने हो भने नेकपा एस कुनै पनि बेला विभाजन हुने अवस्थामा देखिन्छ । एकीकृत समाजवादीभित्र केही समययता विवाद छ । विवाद चुलिदो अवस्था छ । दल विभाजनको आँकलन सोही पार्टी भित्र पनि छ । यस्तै अवस्था जनता समाजवादीजसपामा पनि छ । जसपामा पनि अध्यक्ष उपेन्द्र यादवको नेतृत्वमा चुनौती दिनै बढ्दै गएको देखिन्छ । बुझिए अनुसार सत्तारुढ घटक कांग्रेस एमाले दल विभाजन गरी प्रतिनिधि सभामा जस्तै राष्ट्रिय सभामा पनि स्पष्ट बहुमत राख्न नेकपा एस र जसपा विभाजन गर्न विधेयक ल्याउने तयारीमा लागेको बताइन्छ । तर सरकारले ल्याउन लागेको विधेयकको चौतर्फी विरोध हुन थालेपछि सरकार विधेयक ल्याउनबाट एक कदम हट्किएको देखिन्छ ।
