हुम्ला, मङ्सिर ११ गते । हुम्ला जिल्लाको नाम्खा गाउँपालिका–५, हिल्सा क्षेत्रको किटमा रहेको नेपाल र चीनको सीमास्तम्भ जोखिममा रहेको छ । पहिले दुई देशले तयार पारेको सो क्षेत्रको सीमास्तम्भ पहिरोले भत्काएपछि जोखिममा परेको हो । हिल्साको किट क्षेत्रमा नेपाल र चीनको सीमास्तम्भ दुई देशको सहमतिमा चट्टानमा तयार पारिएको सशस्त्र प्रहरी बल ४४ न गुल्मका गुल्मपति कवीन्द्र महर्जनले बताउनुभयो । सीमास्तम्भ २०६३ सालमा चट्टानमा स्थापना गरिएको थियो । त्यसअघि भने सोही स्थानमा सीमास्तम्भ निर्माण गरिएको भए पनि पहिरोले भत्काएको थियो । हालको चट्टानमा तयार पारिएको सीमास्तम्भ पनि पहिरोको उच्च जोखिममा रहेकाले नयाँ निर्माण गर्ने अन्य विकल्प नभएको उहाँको भनाइ छ । भूबनोट भिरालो र पहिरो गइरहने भएका कारण सो सीमास्तम्भ जोगाउन कठिन छ । हिल्सामा स्थापना भएको सशस्त्र प्रहरी सीमा सुरक्षा चौकीले भने नियमित गस्तीसहित अनुगमन गरिरहेको छ ।
चट्टानमा रहेको सीमास्तम्भमाथि पनि बर्सेनि पहिरो जाने भएका कारण सो चट्टान पनि बिचमा चर्किएको हिल्साका स्थानीय लाक्पा लामाले बताउनुभ
