काठमाडौं । निजी क्षेत्रको चर्चित हवाई सेवा बुद्ध एयरका अध्यक्ष तथा सञ्चालक वीरेन्द्र बहादुर बस्नेतद्वारा लिखित पुस्तक ‘वाई द बुक’को एक भव्य समारोहकाबीच लोकार्पण भएको छ । उक्त पुस्तकमा लेखकले बुद्ध एयरको सफलताको कथा छर्लंग पार्नुभएको छ ।
लोकार्पित पुस्तकमा बुद्ध एयरले सुरुवातदेखि वर्तमान अवस्थासम्म आइपुग्नका लागि के कस्ता प्रयास गरिए ,ती सबै विषयहरु समावेश गरिएको अध्यक्ष बस्नेतले बताउनु भयो । उहाँका अनुसार उद्योग व्यवसायमा लाग्न चाहने वा व्यवसाय व्यवस्थापनमा लाग्नेहरुका लागि पुस्तकले सिर्जनशील बन्न प्रेरणा
दिनेछ ।

काठमाडौं । सरकारले आर्थिक वर्ष २०८२ । ०८३ को नीति तथा कार्यक्रम मार्फत स्नातक तहमाथिका विद्यार्थीहरूलाई नेपालमै पढाइसँगै हप्ताको २० घण्टा रोजगारीको अवसर दिने तयारी गरेको छ। यो कार्यक्रम लागू गर्न सके विद्यार्थीलाई स्नाकोत्तर तह र सो भन्दा माथील्लो स्तर सम्म अध्ययन गर्न राहत मिल्ने छ ।
आजको संसद्को संयुक्त बैठकमा राष्ट्रपति रामचन्द्र पौडेलले नीति तथा कार्यक्रम प्रस्तुत गर्दै ‘कमाउँदै–पढ्दै’ नीति कार्यान्वयनमा ल्याइने जानकारी दिए। उक्त नीति अनुसार विद्यार्थीहरूले हप्तामा अधिकतम २० घण्टा काम गर्न पाउनेछन् । त्यसवापत न्यूनतम ज्यालाको व्यवस्था गरिनेछ।
युवाहरूलाई व्यावसायिक जीवनमा प्रारम्भिक अनुभव दिलाउनका लागि स्थानीय तहदेखि केन्द्रसम्म सरकारी सेवामा इन्टर्नको प्रयोग गर्ने पनि सरकारको योजना छ। सरकारको यो नीति शैक्षिक अभ्यास र आर्थिक आत्मनिर्भरताबीचको सन्तुलन कायम गर्न महत्वपूर्ण कदमको रूपमा हेरिएको छ।

काठमाडौं । सांसद माया राई सहकारी ठगी प्रकरण र संगठित अपराधको कसुरमा आज पाँच दिनको म्याद थप भएको छ ।
काठमाडौं जिल्ला अदालतले थप पाँच दिन हिरासतमा राखेर अनुसन्धान गर्न म्याद दिएको जिल्ला प्रहरी परिसर काठमाडौंका एसपी तथा प्रवक्ता अपील राज बोहराले जानकारी दिए ।
नेपाली कांग्रेसकी सांसद माया राईलाई तीन दिन हिरासतमा राखेर अनुसन्धान गर्न अदालतले अनुमति दिएको छ । उनी १३ वैशाखमा पक्राउ परेकी थिइन् ।
राईमाथि कालिमाटीस्थित स्वर्णलक्ष्मी बचत तथा ऋण सहकारी संस्थाको रकम अपचलनमा गरेको आरोप छ । सहकारी ठगी र संगठित अपराधको कसुरमा काठमाडौं जिल्ला अदालतबाट पक्राउ पुर्जी जारी हुँदा पनि उनी लामो समयदेखि फरार थिइन् ।

काठमाडौँ । नबिल बैंक लिमिटेड का बजार प्रवन्धक कृष्ण प्रसाद सुवेदी र र भारतको अपोलो अस्पतालको प्रमुख बजार अधिकृत संस्था अपोलो इन्फर्मेसन सेन्टरबीच समझदारीपत्रमा हस्ताक्षर भएको छ । दुई सस्था बीच भएको समझौता अनुसार नविल बैंकका ग्राहकहरुलाई भारतमा स्वास्थ्य उपचार गर्दा १० प्रतिशत् छुट तथा नि ःशुल्क परामर्श पाउने बैकले जनाएको छ ।
नबिल बैंकका प्रमुख बजार अधिकृत सुवेदीले यो समझदारीले बैंकका ग्राहकलाई गुणस्तरीय स्वास्थ्य सेवा लिन सहज हुने बताए । उनले भने, “नेपालबाट विभिन्न रोगका उपचारका लागि भारतका अस्पतालमा जानेको संख्या उल्लेख्य छ, बैंकका ग्राहकलाई विश्वस्तरीय स्वास्थ्य सेवा सुलभ रुपमा उपलब्ध गराउने उद्देश्यले अपोलो इन्फर्मेसन सेन्टरसँगको समझदारी गरिएको हो ।”
समझदारीपछि नबिल बैंकका ग्राहक, कर्मचारी तथा शेयरधनीहरूले भारतस्थित अपोलो अस्पतालमा स्वास्थ्य उपचार गर्दा विशेष छुट र भारतमा उपचार गर्नका लागि आवश्यक परामर्श तथा सुविधाहरू पाउने बैंकले जनाएको छ । यस सहकार्यबाट भारतमा विशेष स्वास्थ्य सेवा लिन चाहने नेपाली बिरामीले अस्पतालमा डाक्टर छनोट गर्न र यात्राको व्यवस्थापनमा भोगिरहेको समस्या समाधानमा सहयोग पुग्नेमा बैंकले विश्वास गरेको छ ।
ग्राहकले बैंकका डेबिट तथा क्रेडिट कार्ड, नबिल क्यूआर, नबिल स्मार्ट मोबाइल एप वा बैंक ट्रान्सफरमार्फत भुक्तानी गर्दा सो छुट तथा सेवा प्राप्त गर्नेछन् । उक्त समझदारी दुई वर्षसम्म लागू हुने जनाइएको छ ।

अपोलो इन्फर्मेसन सेन्टर अपोलो अस्पताल इन्टरप्राइजेज लिमिटेड भारतको आधिकारिक प्रतिनिधि संस्था हो । जसले दक्ष स्वास्थ्यकर्मी र अनुभवी उद्यमीहरुसहित काठमाडौँको नक्सालमार्फत सेवा प्रवाह गर्दै आएको छ ।