काठमाडौँ , मुक्कुमलुङ ताङ्‌सेःप चुम्भो र मुक्कुमलुङ संरक्षण अन्तरदलीय संघर्ष समितिले मुक्कुमलुङ संरक्षणका लागि सिंहदरबार घेराउ गरेका छन्।
ताप्लेजुङस्थित पाथीभरा केबुलकार निर्माणको विरोधमा रहेको समूहले बुधबार काठमाडौँमा सिंहदरबार घेराउ गरेको हो। बुधबार सिंहदरबार वरपर ठूलो संख्यामा प्रहरी परिचालन गरिएको थियो ।

काठमाडौँ , राष्ट्रिय प्रजातन्त्र पार्टीले राजसंस्था पुनर्स्थापनाका लागि आन्दोलन गर्ने घोषणा गरेको छ। आन्दोलनको नेतृत्व राप्रपा अध्यक्ष राजेन्द्र लिङ्देनले गर्ने भएका छन्।
यही चैत १२ गते अध्यक्षको नेतृत्वमा रहेको आन्दोलन मूल समितिको बैठक बस्ने प्रवक्ता ज्ञानबहादुर शाहीले जानकारी दिए।
आज बसेको कार्यसम्पादन समितिको बैठकले आन्दोलन परिचालन समितिको भूमिका खुम्च्याएको छ।
दरबारले नवराज सुवेदीलाई आन्दोलनको कमाण्डर बनाएको चर्चा छ नि भन्ने प्रश्नमा उनले जवाफ दिए, ‘कसले भनेको? चिठीपत्र कसैले फेला पार्नुभएको छ?अडियो सडियो, भिडियो छ त्यस्तो छ भने पनि मेरो जानकारीमा छैन। राप्रपालाई थाहा छैन। म त्यो समितिमा बस्दिनँ भनिसकेको छु।’

यद्यपि, जुनसुकै शक्तिले पनि राजसंस्थाको पक्षमा आन्दोलन गर्दा राप्रपा खुशी हुने लिङदेनको भनाइ छ।

काठमाडौं । पूर्वराजा ज्ञानेन्द्र शाहले प्रजातन्त्र दिवसको अवसरमा फागुन ७ गत दिएको सन्देशप्रति राजावादी शक्तिहरु जुर्मुराएको अवस्था छ । पूर्वराजा ज्ञानेन्द्रले आफुलाई अब साथ दिन आग्रह गर्नुभयो । पूर्वराजा ज्ञानेन्द्रले राजकीय शक्ति त्यागेको यतिबेलासम्म यस्तो सन्देश आएको थिएन । राजा ज्ञानेन्द्रको सो सन्देशपछि राजतन्त्रको वकालत गरिरहेको राजासहितका शक्तिहरु सडकमा उत्रिएका छन् । यसक्रममा गणतन्त्रवादी र राजावादीबीच आरोपप्रत्यारोप चलिरहेको छ । माओवादी केन्द्रका अध्यक्ष पुष्पकमल दाहाल प्रचण्डले वर्तमान सरकारकै कुशासनका कारण अहिलेको अवस्था आएको टिप्पणी गर्नुभएको छ । यसैगरी नेपाली कांग्रेसका सभापति शेरबहादुर देउवाले राजाकै कारण देशमा गणतन्त्र आएको भन्दै अहिले राजसंस्था पुर्नस्थापित हुने महौल नभएको टिप्पणी गर्नुभएको छ । यसैगरी प्रधानमन्त्री केपी शर्मा ओलीले पूर्वराजा ज्ञानेन्द्रलाई २०८४ सालको निर्वाचनमा भाग लिन चुनौती दिनुभएको छ ।
त्यसो त सडकमा उत्रिएका राप्रपा, राप्रपा नेपाल, दुर्गा प्रसाई समूहलार्य एकताबद्ध बनाउने प्रयास भए पनि आन्दोलनको जस लिन उनीहरुबीच मैत्यकता देखिन्छ । प्रसाईले राजसंस्था फर्काउन पहिले आफुले जनतालाई आन्दोलित पारेको दावी गर्नुभएको छ । यसरी हेर्दा राजावादी शक्तिहरु तत्काल एकताबद्ध हुने अवस्था भने देखिदैन ।
फागुन २५ गते पूर्वराजा ज्ञानेन्द्रलाई स्वागत गर्न विमानस्थल पुगेका जनताको भीड देख्दा नेपालमा साँच्चै राजतन्त्र फर्किहाल्ने हो कि भन्ने देखिन्छ । तर प्रमुख दलका नेताहरुले यो भीड मात्र भएको भन्न सुचाएका छन् । सदनमा पनि यो बहस दिनानुदिन बढ्दो अवस्थामा
छ । सदनमा सत्तारुढ एमालेका सचिव गोकर्ण विष्ट, कांग्रेस महामन्त्री गगन थापा, एमाले मुख्य सचेतक महेश बर्तौलाले राजसंस्था अब नफर्किने दाबी गरे । सो बैठकमा राप्रपाकी नेतृ एवं सांसद रोसन कार्कीले फागुन १२ गते राजाको समर्थनमा निस्किएको भीड ट्रायल मात्र भएको दाबी
गरिन् । आगामी दिनमा राजाको पक्षमा यस्तो भीड बढ्दै जाने दाबी गर्दै कार्कीले भनिन् ‘एक जना मित्रले भुत देख्नुभएछ । लेनिनको भुत होकी माओवादीको भुत हो प्रश्न गर्न
चाहान्छु । अर्का मित्रले राजा जिल्ला जाँदा जिन्दावाद सुन्नु भएकै होला । अब तपाईहरु लुक्ने ठाउँ खोज्नु
होला ।’
यसरी हेर्दा राजतन्त्रवादी र गणतन्त्रवादीहरु आमने सामने हुने अवस्था निम्तिने अवस्था देखिदैछ । कतिपयले अब दलका नेता र पूर्वराजा ज्ञानेन्द्र एक ठाउँ बसेर सहमतिमा पुग्नुपर्ने सुझाव दिइरहेका छन् । यो सबैभन्दा उपयुक्त विकल्प हुन
सक्छ । तर गणतन्त्रवादीहरुले आफ्नो अहं छोडेको देखिदैन । यदि पूर्वराजा ज्ञानेन्द्र, देउवा, ओली र प्रचण्ड एक ठाउँमा आउने हो भने देशमा अद्वितीय मेलमिलाप हुने विज्ञहरुको विश्लेषण छ । पूर्वराजा ज्ञानेन्द्रलाई पार्टी खोलेर राजनीति गर्न गणतन्त्रवादीहरुले चुनौती दिइरहेका छन् । तर राप्रपाका अध्यक्ष राजेन्द्र लिङ्देन राजसंस्था दलभन्दा माथि हुने भएकाले राजाले दल खोल्न आवश्यक नरहेको बताएका छन् ।
यसरी दलहरुबीच आरोप प्रत्यारोप चल्दै गए गणतन्त्रवादी र राजावादीबीच टकराव उत्पन्न हुने देखिन्छ । राजावादीहरुको सक्रियतापछि ‘जनतासँग माओवादी’ कार्यक्रम स्थगित गरेको माओवादी केन्द्रका अध्यक्ष पुष्पकमल दाहाल प्रचण्डले राजावादीहरुको सक्रियता बढे माओवादी पनि प्रतिकारमा उत्रने चुनौती दिएका छन् । यसरी गर्दा कतै देश गणतन्त्रवादी र राजावादीबीच मुठभेदमा त पर्ने हैन यो समय क्रमले देखाउला ।

काठमाडौँ । पूर्वराजा ज्ञानेन्द्र शाहको सक्रियतालाई लिएर देशका प्रमुख दलहरु नेपाली कांग्रेस, नेकपा एमाले, माओवादी केन्द्रले आआफ्नो तरिकाबाट अथ्र्याइरहेको समयमा भर्खरै उदाएको दल राष्ट्रिय स्वतन्त्र पार्टी रास्वपाको ठोस आधिकारिक धारणा सार्वजनिक भएको छैन । रास्वपा मौन देखिएका छ । दलहरुले कित्ता क्लियर गरिरहेको बेला लोकप्रियताकै नाराका कारण उदाएको कान्छो दल रास्वपा तत्काल कतै खुलेको छैन । आफुलाई वैकल्पिक शक्ति दाबी गर्ने रास्वपा पछिल्लो गतिविधिप्रति मौन देखिएपछि अनेक आशंका उब्जिएका छन् । सभापति रवि लामिछाने सहकारी ठगी गरेको आरोपमा कास्की, काठमाडौं, चितवन र रुपन्देही अदालतमा मुद्दा खेजिरहेका छन् । उहाँले पछिल्लो राजनीतिक घटनाक्रम बारे कुनै प्रतिक्रिया दिएका छैनन् । रास्वपाले पनि आधिकारिक रुपमा राजावादीको सक्रियताबारे कुनै प्रतिक्रिया जनाएको छैन ।
रास्वपाका कार्यवाहक प्रवक्ता मनिष झाले आफ्नो पार्टी वर्तमान व्यवस्था विरोधी नभएको स्पष्ट पार्दे भने ‘यसको एउटा पोलिटिकल प्रोसेस हुन्छ । पोलिटिकल म्याण्डेट हुन्छ । २०८४ निर्वाचनसम्मका लागि जुन दलले जसरी पाएको छ । त्यही मत अनुसार अगाडि बढ्ने हो । राजा ज्ञानेन्द्रले पनि विगतमा राज्य सञ्चालन गर्न पाएकै थिए ।’
झाले थपे– ‘कु गरेरै पुरै सिस्टम कन्ट्रोलमा लिनु भयो । खै त त्यति बेला केही पनि डेलिभर गर्नसक्नु भएन ।’