काठमाडौं । जनता समाजवादी पार्टी जसपाबाट सरकारमा सहभागी भएका दुईमन्त्रीले शपथ लिएका छन् ।सपत लिनेमा एक मन्त्री र एक राज्यमन्त्री रहेका छन्।
राष्ट्रपति रामचन्द्र पौडेलले जसपाबाट मन्त्री बनेका प्रदीप यादवलाई सपथ गराए भने प्रधानमन्त्ती प्रचण्डले राज्यमन्त्री बनेकी हसिना खानलाई शपथ गराएका हुन् । यादवले स्वास्थ्य तथा जनसङ्ख्या मन्त्रालयको जिम्मेवारी पाएका छन् भने खानले राज्यमन्त्रीको जिम्मेवारी पाएकी छिन् ।
जसपा नेपाल सरकारबाट बाहिरिएपछि अशोक राई नेतृत्वको नवगठित जसपा सरकारमा सहभागी भएको हो ।

काठमाडौं।भोली राष्ट्रपति रामचन्द्र पौडेलले संघीय संसद्को संयुक्त बैठकमा सरकारको नीति तथा कार्यक्रम पेश गर्ने कार्यसूची तय भएकोछ।
संसद् सचिवालयले भोलि अपरान्ह्र ३ बजे नीति तथा कार्यक्रम प्रस्तुत हुने तालिका प्रकाशन गरेपनिप्रमुख प्रतिपक्षी दल नेपाली कांग्रेसले भने सहकारी ठगीमा संसदीय छानबिन समिति नबनेसम्म संसदमा जारी अवरोध कायमै राख्ने अडान दोहोर्याएको छ ।सरकार र प्रमुख प्रतिपक्षदला ा वीच यस सम्बन्धमा कुनै सहमति नबने सरकारको नीति तथा कार्यक्रम प्रस्तुत गर्ने तालिका प्रभावित हुने आशंका गरिएको छ।
आज कांग्रेस सभ ापति शेरबहादुर देउवाको निवास बुढानीलकण्ठमा बसेको कांग्रेस पदाधिकारी बैठकले सरकारको नीति तथा कार्यक्रम प्रस्तुत समेत गर्न नदिने निष्कर्ष निकालेको छ।

यता, आज बिहान सभामुख देवराज घिमिरेले राजनीतिक सहमति जुटाउन प्रधानमन्त्री पुष्पकमल दाहाललाई सुझाव दिएका थिए। उनीहरुबीच भएको फोनवार्तामा प्रमुख प्रतिपक्षलाई मनाएर सदनको कामकारबाही सहज पार्न सभामुखले सुझाएका थिए। सभामुख घिमिरेले नीति तथा कार्यक्रमबारे भएको कुराकानीमा सभामुखले नीति तथा कार्यक्रम र बजेटलाई राजनीतिक दाउपेचभन्दा टाढै राख्न सुझाव दिएका थिए।

सभामुख घिमिरेले नीति तथा कार्यक्रम संसद्भन्दा बाहिरबाट ल्याउने परिकल्पना र अभ्यास नरहेको भन्दै राजनीतिक सहमतिमा जोड दिए। तर कांग्रेसले संसदीय छानविन समिति आफ्नो प्रमुख बटमलाइन बनाएपछि प्रधानमन्त्री अफ्ठयारोमा परेका छन्। कांग्रेस नेता एवम प्रचार विभाग प्रमुख मीन विश्वकर्माले कांग्रेसले आफ्नो अडान यथावत राखेको जानकारी दिंदै साँझसम्ममा नयाँ रणनीति बन्ने बताए।

संसदीय छानबिन समिति बनाउन सकारात्मक देखिएका प्रधानमन्त्री एमालेको दबाबमा परेको निकट स्रोतले जनाएको छ।एमाले संसदीय छानबिन समितिको विपक्षमा उभिएपछि प्रधानमन्त्री चेपुवामा परेको बताइन्छ। एमाले प्रमुख सचेतक महेश बर्तौलाले आइतबार मात्रै कांग्रेसले आत्महत्या नै गर्छु भनेपनि माग पुरा गर्न नसकिने बताएका थिए।

तर प्रधानमन्त्री पुष्पकमल दाहाल प्रचण्डले संसदको गतिरोध अन्त्य गराउने प्रयासमा आफू रहेको बताएका छन्। ‘संसद्को गतिरोध अन्त्य गर्ने विषयमा प्रमुख प्रतिपक्षी दल नेपाली कांग्रेसका शीर्ष नेतासँग म संवादमा नै छु, संसद्को गतिरोध अन्त्य हुन्छ,’ उनले भनेका छन्।

नीति तथा कार्यक्रम प्रस्तुत गर्ने विषयमा संसद्मा सबै तयारी पूरा भइसकेको अवस्था छ। तर प्रमुख प्रतिपक्षी दल नेपाली कांग्रेसले गृहमन्त्री एवं रास्वपा सभापति रवि लामिछाने सहकारी ठगी प्रकरणमा मुछिएको भन्दै उनको विषयमा छानबिन गर्न समिनि बनाउनुपर्ने माग अघि सार्दै आइरहेको छ। यसअघि अघिल्लो संसद् अधिवेशन र शुक्रबारबाट सुरु भएको बजेट अधिवेशनमा समेत कांग्रेसले अवरोध खडा गरेपछि सहमतिको प्रयास भइरहेको छ। सोमबार नै सभामुख घिमिरेले प्रधानमन्त्रीसहित कांग्रेस सभापति देउवा र गृहमन्त्री लामिछानेसँग समेत संवाद गरेका छन्।

यता प्रधानमन्त्री प्रचण्डले सरकारले नीति तथा कार्यक्रमलाई अन्तिम रुप दिइसकेको जनाउँदै उनले राष्ट्रपतिको सम्बोधनमा संसद्मा कुनै समस्या नहुने बताए।

सोमबार चितवनका विभिन्न कार्यक्रममा रहेका प्रधानमन्त्री अपरान्ह काठमाडौं फर्किएर कांग्रेस नेताहरुसँग छलफल गर्ने कार्यक्रम छ ।

काठमाडौँ। मधेश प्रदेशमा आगामी आर्थिक बर्ष २०८१।०८२ को नीति कार्यक्रम र बजेट नयाँ सरकारले ल्याउने योजना सहित बदलिएको सत्ता राजनीतिको नयाँ सत्ता समीकरणको निर्माण गरिदिएको छ ।
आइतबार माओवादी केन्द्र र नेकपा एमालेले एका एक मधेश प्रदेश सरकारबाट मन्त्रीहरुलाई राजीनामा गराई प्रदेश सरकारलाई दिएको समर्थन फिर्ता लिएसँगै मधेश प्रदेशमा राजनीतिक तरङ्ग आएको हो ।
सत्ता गठबन्धमा रहेका दलहरुबाट चालिएको पछिल्लोकदमले उपेन्द्र यादवलाई मात्र धक्का पुगेको छैन । यसले सत्ता गठबन्धमा रहेको अर्को घटक नेकपा एकीकृत समाजवादीलाई समेत चुनौति खडा गरिदिएको छ ।
एमाले र माओवादी केन्द्रले समर्थन फिर्ता लिएसँगै मधेश सरकारका मुख्यमन्त्री अल्पमतमा पर्नु भएको छ । जसपा नेपालबाट मुख्यमन्त्री रहनु भएका सरोज यादव अल्पमतमा परेका छन्। मधेश प्रदेशमा एमालेले आफ्नो नेतृत्वमा नयाँ सरकार गठनको कसरत सुरु गरेको छ । जहाँ संघीय सत्ता गठबन्धनमा रहेको एकीकृत समाजवादीलाई सहभागी गराइएको छैन ।
उक्त गठबन्धमा एमाले, माओवादी केन्द्र, जनमत पार्टी र लोसपा मात्र रहेका छन् । यी चार दलहरुसँग नयाँ सरकार गठनको लागि पर्याप्त बहुमत रहेको छ ।

मधेशमा माधब नेपालको दललाई नयाँ समीकरणमा समावेश नगर्नुले भने वर्तमान सत्ता समीकरणमा रहेको एकीकृत समाजवादी पाटीमा थप दवाव सृजना भएको छ । जसले उपेन्द्र सँग मधेशमा माधव नेपाल एक्लिने आशंकालाई बल पुर्याएको छ । त्यसो तएमाले र माओवादीले मधेश सरकार छाडेपनि नेकपा एसले समर्थन कायमै राखेको छ ।

काठमाडौं। नेपाली कांग्रेसको संसदीय कार्यसमिति र संसदीय दलको बैठक आज बस्दैछ । प्रधानमन्त्री प्रचण्डले नेपाली काँग्रेसका शिर्ष नेता र राष्ट्रपति रामचन्द्र पौड्ल सँग गरेको भेट वार्ता पछि संसद खुलाउनेबारेमा कांग्रेस लचिलो देखिएको बुझिएको छ । त्यसैले संसमा अवरोध नआउने संकेत देखिएको हो ।
संसदीय कार्यसमितिको बैठक दिउँसो १ बजे र संसदीय दलको बैठक दिउँसो २ बजे नयाँ बानेश्वरस्थित संघीय संसद् भवनको ल्होत्से हलमा बस्ने जनाइएको छ ।
बैठकले जेठ १ गते संसदमा पेस गर्ने तयारी गरिएको सरकारको नीति तथा कार्यक्रममा अवरोध गर्ने या नगर्ने भन्ने विषयमा निर्णय गर्नेछ ।
सरकारको नीति तथा कार्यक्रम जेठ १ गते मंगलबार राष्ट्रपति रामचन्द्र पौडेलले वाचन गर्ने कार्यक्रम तय भएको छ ।

कांग्रेसले उपप्रधानमन्त्री तथा गृहमन्त्री रवि लामिछाने सहकारी प्रकरणमा मुछिएको आरोप लगाउँदै संसदीय छानबिन समितिको माग गरेर संसद् अवरुद्ध गर्दै आएको छ ।

।

काठमाडौं । गृहमन्त्री रवि लामिछानेले सरकारी ठगीमा मुछिएका जीबी राईलाई खोजिरहेको जानकारी दिएका छन । चितवनमा सञ्चारकर्मीसँगको कुराकानीका क्रममा‍ भगाएको मान्छेलाई खोज्न समय लाग्ने बताए ।
सञ्चारकर्मीले उनलाई जीबी राई किन पक्राउ पर्न सकेनन् भनेर सोधेका थिए । जवाफमा उनले भने, भगाइसकेको मान्छेलाई खोज्न समय लाग्ने भएकाले पक्राउ गर्न हर कोसिस भइरहेको बताए ।
त्यसो भए कसले भगायो त ? सञ्चारकर्मीको प्रश्नमा उनले भने, भाग्दाखेरी सरकारमा को थियो ?
उपप्रधानमन्त्रीसमेत रहेका लामिछानेले जीबी राईका सन्दर्भमा केही प्रक्रिया पूरा गर्नुपर्ने भएकाले समय लागेको जनाए ।