काठमाडौं । पत्रकारहरुको छाता संगठन नेपाल पत्रकार महासंघको नयाँ नेतृत्व चयनका लागि आगामी मंसिर २८ गते निर्वाचन हुने भएको छ । विभिन्न आन्तरिक कारणले महासंघको निर्वाचन पटक पटक सर्दै आएको छ । त्यसो त नेपाल पत्रकार महासंघको संघसंगठनहरु उम्मेदवार चयन गर्ने तयारीमा लागेको
देखिन्छ । अहिलेसम्म चर्चामा आए अनुसार एमाले निकट प्रेस चौतारी को तर्फबाट अध्यक्षमा निर्मला शर्मा नेपाली कांग्रेस निकट प्रेस युनियनको तर्फबाट अध्यक्षमा रमेश विष्ट, एकीकृत समाजवादी निकट प्रेस संगठनका तर्फबाट शम्भु श्रेष्ठ, माओवादी निकट प्रेस सेन्टरका तर्फबाट रोशन पुरीको नाम अग्रपंक्तिमा रहेको छ ।
वरिष्ठ उपाध्यक्षमा भने एकीकृत समाजवादी निकट प्रेस संगठनले लोकप्रिय पत्रकार गोविन्द चौलागाईलाई अघि सार्ने चर्चा छ । उनी नेपाल पत्रकार महासंघको वर्तमान सचिव पनि हुन् ।
त्यस्तै प्रेस संगठनले महासचिवमा शान्ताराम विडारीलाई उठाउने चर्चा छ । विडारी पत्रकारमाझ झिजेका, सक्रिय रहेका, लोकप्रिय पत्रकार हुन् । यस्तै केन्द्रपछि महत्वका साथ लिइने नेपाल पत्रकार महासंघ काठमाडौंमा एमाले निकट प्रेस चौतारीले पुस्कर बस्नेतलाई उठाउने पक्कापक्की देखिएको छ । उनलाई नेपालको पत्रकारिता फाँटमा चर्चित र लोकप्रिय पत्रकारको रुपमा लिइन्छ ।

सनत गिरी,
काठमाडौं । क्यान्सर देखिएपछि भारतमा शल्यक्रिया गराएर राप्रपाका महामन्त्री धवलशमशेर राणा डिस्चार्ज भएका छन् । डिस्चार्जपछि उनी हाल भारतको मुम्बईमै स्वास्थ्यलाभ गरिरहेको राप्रपा प्रवक्त सगुन सुन्दर लावतीले जानकारी दिए ।
डिस्चार्जपछि उनले केही दिनमै नेपाल फर्केर पार्टीका एजेण्डामा अझ बढी सक्रिय रहँदै देश र जनताको सेवामा वफादार भएर निरन्तर लाग्ने बताए ।
‘जटिल रोगको उपचारबाट स्वस्थ भई पार्टीका एजेण्डाप्रति अझै बढी सक्रिय भएर निरन्तर लागिरहन ऊर्जा थपिएको छ । देश, जनता र पार्टीका एजेण्डाप्रति वफादार रही जीवनभर सेवा गर्ने प्रतिबद्धता व्यक्त गर्दछु । महामन्त्री तथा आन्दोलन परिचालन समितिका संयोजक राणाले सामाजिक सञ्जालमार्फत भनेका छन्– ‘तपाईहरुको माया, प्रेम, स्नेह र शुभेच्छा सँधै मिलोस् भन्ने कामना गर्दछु ।’ राप्रपा नेता राणालाई गिजामा क्यान्सर देखिएपछि भारत, मुम्बईको टाटा मेमोरियल अस्पतालमा डा.सुल्टान प्रधानको टिमले शल्यक्रिया गरेको थियो ।

काठमाडौं । यतिबेला चर्चामा रहेकोसंक्रमणकालीन न्याय सम्पादनलाई निष्कर्षमा पु¥याउन प्रमुख तीन दलहरु सहमत भएका छन् । सत्य निरुपण तथा मेलमिलाप र बेपत्ता छानबिन आयोग यथासक्य चाडो गठन गरी संक्रमणकालीन न्याय सम्पादनलाई निष्कर्षमा पु¥याउन तीन दलहरु सहमत भएका हुन् ।
केही दिन अघि प्रधानमन्त्रीको सरकारी निवास बालुवाटारमा बसेको प्रमुख तीन दलका शीर्ष नेताहरुको बैठकमा संक्रमणकालीन न्याय सम्पादनलाई निष्कर्षमा पु¥याउन कानून बमोजिम दुवै आयोगहरुलाई यथासक्य चाडो पूर्णता दिए अघि बढ्ने सहमति भएको हो । बैठकमा प्रधानमन्त्री समेत रहेका एमाले अध्यक्ष केपी शर्मा ओली, नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड सहभागी रहेका थिए । यस्तै गृहमन्त्री रमेश लेखक, माओवादी केन्द्रका उपमहासचिव शक्तिबहादुर बस्नेत, महान्याधिवक्ता रमेश बडाललगायत समेतको बैठकमा सहभागी रहेको थियो । संक्रमणकालीन न्यायसम्बन्धी विधेयक यस अघि नै संसदबाट पारित भइसकेको छ । उक्त विधेयक गत भाद्र १३ गते राष्ट्रपतिबाट प्रमाणिकरण भएको थियो ।

काठमाडौँ । पञ्चकन्या ग्रुपको सिष्टर कन्र्सन उद्योग पञ्चकन्या स्टील प्रा. लि.को उत्पादन टिएमटि रिब्डबारले सन् २०२४ को लागि सि.आईआई ग्रिनप्रो प्रमाणपत्र प्राप्त गरेको छ ।
नेपालमा यो प्रमाणपत्र पाउने पञ्चकन्या ग्रुप पहिलो उद्योग समूह बन्न सफल भएको कम्पनीले जनाएको छ । २०८१ असोज ३० गते भारतको दिल्लीमा आयोजित एक कार्यव्रmममा पञ्चकन्या ग्रुपका कार्यकारी निर्देशक उज्ज्वल कुमार श्रेष्ठले उक्त प्रमाण पत्र ग्रहण गरेका हुन् ।
पञ्चकन्या स्टीलको टिएमटि रिब्डबारले प्रतिष्ठित ग्रीनप्रो प्रमाणपत्र प्राप्त गरे पश्चात् कम्पनीको वातावरणीय स्थिरता र निर्माण क्षेत्रको उत्कृष्टताप्रतिको प्रतिबद्धताको थप एक महत्वपूर्ण उपलब्धि भएको कम्पनीले उल्लेख गरेको छ ।
कन्फेडेरेसन अफ इन्डियन इण्डष्ट्री सिआइआइ – सोराब्जी गोदरेज ग्रीन बिजनेस सेन्टरद्वारा प्रदान गरिएको ग्रीनप्रो प्रमाणपत्रले वातावरण संरक्षणका लागि कडा मापदण्डहरू पूरा गर्ने उत्पादनहरूलाई मान्यता दिने गरेको छ । कम्पनीका अनुसार यो प्रमाणपत्र ग्रहण पश्चात पञ्चकन्या स्टीलको उच्च गुणस्तर र पर्यावरणमैत्री सामग्रीहरू उत्पादन गर्ने प्रतिबद्धतालाई अझ उजागर गरेको छ ।

यसै बिच दिगो विकास र वातावरण प्रति मुख्य ध्यान दिदै भारत र न्यूजिल्याण्डबीच एक सम्झौता पत्रमा हस्ताक्षर गरेका छन् । न्यूनतम कार्वन उत्सर्जन सामग्री र प्रविधिलाई प्रबर्धन तथा प्रोत्साहन गर्ने उद्देश्यले सन् २०१५ देखि यो ग्रिनप्रो प्रमाणपत्र प्रदान गर्न थालिएको हो ।

हालसम्म विश्वका ४८० उद्योगहरुका ९ हजार ५०० थरिका उत्पादनहरुले ग्रिनप्रो मान्यता प्राप्त गरेका छन्

काठमाडौँ ,सहकारी ठगीको आरोपमा पक्राउ परेका पूर्वगृहमन्त्री तथा रास्वपाका सभापति रवि लामिछानेलाई ६ दिन हिरासतमा राख्न कास्की जिल्ला अदालतले अनुमति दिएको छ।
अदालतले उनलाई आज आइतबार ६ दिन हिरासतमा राखेर अनुसन्धान गर्न कास्की प्रहरीलाई अनुमति दिएको हो।
म्याद थपपछि प्रहरीले उनीविरुद्ध सहकारी रकम ठगी र संगठित अपराधबारे अनुसन्धान सुरु गर्नेछ।
पोखराको सूर्यदर्शन सहकारीको रकम अपचलनमा संलग्न भएको आरोपमा सभापति लामिछानेलाई काठमाडौंबाट पक्राउ गरी शनिबार बिहान पोखरा ल्याइएको थियो।